كفــــاية ..

السلام عليكم .. شخباركم .. عساكم بخير و سهالا

اليوم كتبت لكم شعر طارق المحياس >> كفاية

و الله الشعر يخبل .. اتمنى انه يعيبكم والله تعبت و انا اكتب

كفـــــاية..

كفايـه صـار لـك شهـريـن غـايـب عـنـي يالغـالـي
كفـايـه يـــا اعـــز الـنــاس تـــرا والله مـــا اقـــدر
دخـيـلــك لا تـخـيــب فــيــك هـقــواتــي وامــالـــي
واذا انها عالصبر والله وغلاتك عندي راح اصبر
ابتـحـمـل على فـرقــاك وحـالــي يـرثــي لـحـالـي
مع اني والله ليـن اليـوم مـدري ليـش بـس تهجـر
ابعرف شالسبب ارجـوك وش اللـي بـس يجرالـي
انــا شسـويـت يــا ربــي عـشـان تـثــور وتتـفـجـر
انــا والله مــا استـاهـل ابــد كــل الـلــي جـرالـي
اقــل مــا فيـهـا بــس قلـلـي سـبـب خــلاك تتـغـيـر
ابعرف بس شالموضوع علامك صرت مـا تبالـي
بذمـة كـل اهلـك فيـوم شفتنـي بـشـي انــا مقـصـر
عطيـتـك قلـبـي وروحــي وهبـتـك حـالـي ومـالــي
حملـت احسـاس هالدنيـا وعطيتـه لـك وانـا افخـر
عشقتـك عشـق لا قبـلـه ولا بـعـده انعـشـق تـالـي
هويـتـك مــوت واتخـيـل الـيـن الـمـوت واتـصـور
واذا جـانـي مـسـج مـنـك مـخـزن رقـمـك الغـالـي
ولا امــســح رســالاتــك اتــــم اقــراهــا وافــكــر
واحـلـل كـــل كـلـمـه بالـمـسـج الله يـــا غـربـالـي
واقـول بخاطـري معقولـه حاسـس فينـي ويشـعـر
وارد اقـــول لأ يـمـكـن تـذكـرنــي وهــــو ســالــي
لانـي تونـي مطـرش مسـج طـرش مـسـج يشـكـر
وارد اقـــول لأ ادري يبـيـنـي وحـاســس بـحـالــي
وارد اقــول لا مــا اظــن عـلـى بـالـه انــا اخـطـر
الـيـن انـــي انـــا اتـاكــدت قـلـبـه بالـفـعـل خـالــي
ولا غـيــري انـــا بقـلـبـه يحـبـنـي مـــوت ويـقــدر
لانــي مــره مالـمـرات طــرت فـكـره عـــلا بـالــي
نويـت ازعـل بـدون اسبـاب واشـوفـه لــو بيتـاثـر
ابـعـرف قــدري بقلـبـه بيهـمـه وضـعــي الـحـالـي
او انـــه راح يطنـشـنـي ولا يــســال ويسـتـفـسـر
وفـعــلا دق مـــا جـاوبــت حـرقـلـي والله جـوالــي
ثــلاث الاف مـــره دق وانـــا مـطـنـش ولا مـعـبـر
كتبـلـي بالمـسـج اطـلـع انــا عـنـد بـابـك الـحـالـي
قـســم بالله مـــا تـطـلـع لاخـربـهـا انــــا واحــــدر
ومشكـلـتـي اعـرفــه زيـــن يسـويـهـا ولا يـبـالـي
نـزلـت وخـاطـره مكـسـور يـقـول شـفـيـك متـغـيـر
وقلـتـلـه بـــس ابـتـاكـد اذا قـــدري مـعــك عـالــي
ضحكـلـي وقـالـي اتـاكـدت ودمـعـه بـلـل المحـجـر
وطــارت فيـنـي الدنـيـا لمكـانـي صـاحـبـي جـالــي
تعـذر لـي وانـا الغلـطـان وانــا الـلـي لازم اتـعـذر
بعـدهـا عـشـت احـلـى ايــام فــي قـربــه هنـيـالـي
وصلنـا لمرحلـه مـا نفـتـرق عــن بعضـنـا واكـثـر
بعـدهـا فـجـاه خـلانـي ولا يـســال عـــن احـوالــي
وانــا فــي خـاطــري ادري مـحــال فـيــوم يتـغـيـر
ادق لــه مــا يجاوبـنـي بـديـت اشــك فـــي حـالــي
اخـاف انـه حصـل لــه شــي اخـافـه بــس متـكـدر
لـعـب فــي قلـبـي الـوسـواس خيـالـه مــا تهيـالـي
حوالي الف مسج طرشت حبيبي يا عسى ما شـر
ولا جـاوب وانـا قاعـد علـى اعصـابـي وغربـالـي
حبيبـي صــار لــه اسـبـوع فيـنـي حـتـى مــا فـكـر
الـيـن انــي عـرفـت شـلـون اخـلـي خـلـي الغـالـي
يكلمـنـي وجــت فـكـره بـعـد مــا مــت وانــا افـكـر
وفـعـلا اتـصـل فيـنـي وبــدت احـزانـي واهـوالــي
وكـانـت صدمـتـي كـبـيـره عـلــي الـغـالـي اتـغـيـر
سالـتـه قلتـلـه وش فـيـك مــا مــن شــر يالغـالـي
وش الـلـي صــار بالدنـيـا عـلامـك لـيـش متبعـثـر
اونـك يعنـي مـا تـدري بدونـك صـرت انــا لحـالـي
ولا لـي خلـق اي انسـان كثـر مـا فيـك انــا افـكـر
وجاوبنـي وقــال ارجــوك ابــي هالدنـيـا تصفـالـي
انــا ملـيـت مــن وضـعـي واشــوف الـكـل متغـيـر
انـا ضـاقـت بــي الدنـيـا وابــي ابـقـى انــا لحـالـي
خلاص اتركني لا تسـال وانـا برجـع عقـب اشهـر
وقلتلـه مـو علـي تكـذب اعـرفـك تضـعـف قبـالـي
تكـلـم قــول شالمـوضـوع بــدا قلـبـي يــدق اكـثـر
سكـت لحظـه وقـال ارجـوك ابـعـد عـنـي يالغـالـي
وخلـنـي اذكـــرك بالـخـيـر وانـتــه مـثـلـي اتـذكــر
ولا اتطـرش مسـج واحـد ولا اتـدق لـي ابـد تالـي
واذا لــي خـاطـرن عـنــدك لا تتـكـلـم ابـــد سـكــر
وقلتـلـه والله مــا اسـكـر الـيـن تـقـول وتصفـالـي
وقالـي والله مــا اتكـلـم ولــو تبـكـي دمــع احـمـر
ولكن شوف ربعك وانتـه تعـرف بـس وش جالـي
خـلاص افهمهـا عالطايـر ولاتحرجنـي بعـد اكـثـر
وسـكـر والـدمـع فيـنـي عـلــى الـخـديـن هـمـالـي
قـســم بالله مــــا ادري عــلامــه قـلـبــه اتـحـجــر
فـوادي انـهـار وانــا حمـلـي يـهـد جـبـال وجبـالـي
في لحظه صارت الدنيا في عيني هالكبـر واصغـر
حـسـافـه مـــا توقـعـتـه يـصــدق فـيـنــي عــذالــي
حسـافـه مــا هقيـتـه يــوم يـصــد عـنــي ويتـغـيـر
بعـدهـا صـارلـي مــا صــار وربــي يعـلـم بـحـالـي
فوادي باقي بس شوي واحسه من الجسـم يظهـر
بديـت اعـرق ومـدري لـيـش وخـابـت كــل امـالـي
انـا اتوقـعـت كــل الـنـاس ولا توقـعـت هــو ينـكـر
وقـلـت بخـاطـري خـلـه مصـيـره يـرجــع الـغـالـي
اكـيـد انــه سـمـع اي شــي وجــوه صــار متعـكـر
ولـكــن طـــول اغـيـابـه وزادت فـيـنــي اعــلالــي
مرض قلبي تعـب فكـري واحسـه جسمـي متخـدر
وقلـت خلنـي اطرشلـه مـسـج واشكيـلـه احـوالـي
وطرشت المسـج وشـوي دق لـي ودون مـا افكـر
هــلا والله يــا اغـلـى الـنـاس هــلا والله بالغـالـي
الـــو طـــارق مـــا قلـتـلـك لا تـذكـرنـي او اذكــــر
ابـي بـس اذكـرك بالخيـر ياخـي خلنـي فـي حـالـي
وقلـت وخاطـري مكسـور انـا اســف ومــا اكــرر
قـسـم بالله لـيــن الـيــوم وحـالــي يـرثــي لـحـالـي
قسم بالله اليـن اليـوم ولا ادري ليـش اهـو اتغيـر
قـسـم بالله مــا غـظـت عيـونـي ولا هـــدى بـالــي
قـسـم بالله مــا مـــر يـــوم الا وفـيــه انـــا افـكــر
قـســم بالله قـلــت بـنـسـاه بـــس طـيـفـه يتهـيـالـي
قـســم بالله لــــو حــاولــت انــــا انــســاه اتــذكــر
الـيـن الـيـوم انــا عـنـدي امــل يـرجـع ويصفـالـي
اقــول الـشـوق بـيـرده عـلـى فـرقـاي مـــا يـقــدر
الـيـن الـيـوم وضحكـاتـه وبسمـاتـه عـلــى بـالــي
الـيـن الـيـوم مــا ارقــد كـثـر مــا فـيـه انــا افـكـر
ابعرف شالسبب ارجـوك وش اللـي بـس يجرالـي
انــا شـسـويـت يـاربــي عـشــان تـثــور وتتـفـجـر
انــا والله مــا استـاهـل ابــد كــل الـلــي يـجـرالـي
اقــل مــا فيـهـا بــس قـلـي سـبـب خـــلاك تتـغـيـر
ابعرف بس شالموضوع علامك صرت مـا تبالـي
بذمـة كـل اهلـك فيـوم شفتنـي بـشـي انــا مقـصـر
انــا راح انتـظـر ردك ولــو حـتـى بمـسـج خـالــي
واذا ما جاني منك الرد وغلاتك عندي راح اصبر
سـنـه سنتـيـن الـلـي يـهـم اشـوفـك ثـانـي قـبـالـي
ثـلاث سنيـن او اربـع ابصـبـر يعـنـي راح اصـبـر
ولكن حكم احساسك وجاوب يـا اغلـى كـل غالـي
بــذمــة والــديــك يــهــون تـنـسـانــي ولا تــذكـــر
يــهــون انــــك تخـلـيـنـي ولا تــســال ولا تـبـالــي
يـهـون انــك تـنـام اللـيـل وتتـركـنـي انـــا اسـهــر
كفايـه صـار لـك شهـريـن غـايـب عـنـي يالغـالـي
كفـايـه يـــا اعـــز الـنــاس تـــرا والله مـــا اقـــدر
دخـيـلــك لا تـخـيــب فــيــك هـقــواتــي وامــالـــي
واذا انها عالصبر والله وغلاتك عندي راح اصبر

لا تحرموني من ردودكم >> تراني تعبت و انا اكتب <<

و السموحهـ..