شوفوا هالبنت وهالشاب ^.^

السلام عليكم والرحمه


موضوع قريته في أحد المنتديات .. وحبيت اني انقله لمنتدانا ..


هو عباره عن سؤالين:
سؤال للبنات، والسؤال الثاني للشباب
نبدا بالبنات ..


لو كنتي رايحة السوق مع ربيعاتج وكنتن تتحوطن في السوق..... وصلتي للمحل اللي تبينه وكنتي حاجزة في هالمحل غرض معين على اساس بتاخذينه وياج يوم بتروحين وصلتي المحل عشان تاخذين الغرض ( عطر , مكياج , فستان , جوتي ,.............) اي شي على حسب اهتمامج ...انزين ...
بعدين حصلتي بنت غيرج تبى هالغرض وتجادل صاحب المحل عليه والمحل متروس ناس وانتي الا مصممة تاخذينه ...وفي الاخير تنازلت البنت عشانج ...
ييتي تطلعين الفلوس ولا ...اوبس ..
ما حصلتي البيزات او انه البيزات اللي عندج ما تكفي ... وما يقبل صاحب المحل الا بالكاش ....شو تسوين ...


1- تتنازلين عن الغرض حق البنت وتطلعين بالفشيلة جدام الناس .
2- تتسلفين من عند اي حد عشان تشترين الغرض
3-اتمين واقفه ما تعرفين شو تسوين تتريين رحمة ربج

×.×.×.×


وبالنسبه لـ سؤال الشباب ...


كنت مع ربعك في الكوفي شوب ...وسوالف وضحك ومحد قدكم ...
وتشربون هالنسكافيه والكابيتشينو ...واخر وناسة ...
وفجاة ...انجبت النسكافيه على كندورتك البيضة ...شو تسوي في هالحالة ....

1- تروح وكندورتك خايسة وتمشي جدام الناس عادي .....
2- تروح الحمام تغسلها مع انه ما راح يطلع منها ..
3- تفصخ الكندورة وتروح بالوزار والفانيلة جدتم الناس ( تراك اذا سويتها بتكون خبل )
×.×.×.×




والسموحه

و اسموووحه

انا إذا حجزت شي لازم اعرف سعره

ف بيكون عندي المبلغ كاامل

و اصلاا مداام البنت تباا الشي بعطيهاا

اخااف من عيونها يستوي فيه شي

تسلم ع الموضوع

تسلمين الغاليه على المرووور

سلمتـ عليكـ العافيهـ

و السمووحهـ..

مشكور على موضوع
اكيد بروح غسلها على القل يعني ماببين وايد يوم روحون الناس بظهر خخخخخخخ
تسلم الغالي

تسلم اخوي ع الموضوع والى الامام

ههههههههه

اخوي .. فال الله ولا فالكـ ..

انا بطلع من الكوفي شوب ..

وبروح البيت ركض مو في السياره ..

تسلم عالموضوع