أموت ولا يخون قلبي

أموت ولا يخون قلبي

--------------------------------------------------------------------------------

انا قبلك بلا معنى انـا قبلـك بقايـا انسـان

مسافر مالقى ديرة تعوض عـن شقـا بيتـه

غريبه صرت في قلبك أنا قصة بـلا عنـوان

كتبت الشعر من قلبي وبـدم الجـرح خطيتـه

غريبه هاذي الدنيا بها وافـي وبهـا خـوان

حسافه مامضى مني حسافـه عمـرٍ امضيتـه

شكيت الحب على قلبي علامه حطّم الوجـدان

سألت القلب!! متى ياقلب؟ أشوفك صرت حبيته

كثير قلوب من حولك وأخبرك تعشق النسيـان

لقيت الحب في نبضك وشعورٍ صادق أبديتـه

لقيت الحب في نبضك زهورٍ تنبعث ريحـان

سكنت الحب في روحك وباقي النـاس خليتـه

أنا جيتك أدور فيك مايروي ظمـا العطشـان

لقيتك ظامـيٍ قبلـي وظمـا قلبـي أرويتـه

حفظت الشوق في قلبي ووصيته على الكتمـان

لقيت الشوق في قلبك علـى قلبـي وضميتـه

كتبت الشعر في وصفك قصايد كلهـا ألحـان

لجل اوصل حشـا قلبـك كـم مـره تمنيتـه

احبك كلمه معناهـا شعـورٍ ممتلـي أشجـان

ابي اكـون ذاك اللـي باسـم قلبـك تبنيتـه

ابي عهد ووعد منك توفي لـي بـلا نكـران

ووعد مني تكون اللي من اقصى القلب حبيتـه

أنا اسعد بشر عادي تولع فـي غـرام أنسـان

كتبت حبه على صدري ووسط القلب ضميتـه

بسافر في بحر حبك وابيك تكون لـي ربـان

اموت ولايخون قلبـي ولـو خانـك توطيّتـه

ابي أسكن وطن حبك ترا مليـت هالاوطـان

ابيك تكون ذاك اللي قصيـدة عشـق سميتـه

تحيات ^~¤§الساحر §¤~^